jin ke baghair lagti thi be-kaar zindagi — Shaista Mehjabeen

mujh ko uljhan si hone lagti hai
baat jab der tak nahin hoti

'aql-o-daanish shu'ur kuchh bhi nahin
aise jaahil se kaun baat kare

itni si zindagi mein itni laDaaiyaan
kyaa ho gayaa hai ham ko kyaa kar rahe hain ham

chaae piine ki lat chhuDaane ko
jaane kitne hi cup badal Daale

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ye hai khulaasa-e-ilm-e-qalandari ki hayaat
khadang-e-jasta hai lekin kamaan se duur nahin