zaraa chashm-e-karam se dekh lo tum — Shakir Kalkattvi

ye maajraa-e-mohabbat samajh mein aa na sakaa
vo haath aae to main haath unhein lagaa na sakaa

rone ke badle apni tabaahi pe hans diyaa
'shaakir' ne is tarah gila-e-aasmaan kiyaa

qasam hi nahin hai faqat is kaa sheva
taghaaful bhi hai ek andaaz us kaa

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

bas ek pal ki tamannaa-e-vasl ki khaatir
tamaam 'umr lagaa di gai sanvarne mein