sardi bhi khatm ho gai barsaat bhi gai — Shuja Khaavar

'shujaa' vo khairiyat puchhein to hairat mein na paD jaanaa
pareshaan karne vaale khair-khvaahon mein bhi hote hain

chaaragari ki baat kisi aur se karo
ab ho gae hain yaaro puraane mariz ham

us ke bayaan se hue har-dil-aziz ham
gham ko samajh rahe the chhupaane ki chiiz ham

tangi-e-haiat se Takraataa huaa josh-e-mavaad
shaaeri kaa lutf aa jaataa hai chhoTi bahr mein

yaa to jo naa-fahm hain vo bolte hain in dinon
yaa jinhein khaamosh rahne ki sazaa maalum hai

do chaar nahin sainkaDon sher us pe kahe hain
is par bhi vo samjhe na to qadmon pe jhukein kyaa

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

pyaaso raho na dasht mein baarish ke muntazir
maaro zamin pe paanv ki paani nikal paDe

aae kuchh abr kuchh sharaab aae
is ke baa'd aae jo azaab aae

tishnagi khaak bujhe ashk ki tughyaani se
ain barsaat mein bigDe hai mazaa paani kaa

lagaa jab aks-e-abru dekhne dildaar paani mein
baham har mauj se chalne lagi talvaar paani mein

super rakhtaa huun main bhi aaftaabi saaghar-e-mai ki
mujhe ai abr tegh-e-barq ko chamkaa ke mat dhamkaa