chaaragari ki baat kisi aur se karo — Shuja Khaavar

'shujaa' vo khairiyat puchhein to hairat mein na paD jaanaa
pareshaan karne vaale khair-khvaahon mein bhi hote hain

us ke bayaan se hue har-dil-aziz ham
gham ko samajh rahe the chhupaane ki chiiz ham

tangi-e-haiat se Takraataa huaa josh-e-mavaad
shaaeri kaa lutf aa jaataa hai chhoTi bahr mein

yaa to jo naa-fahm hain vo bolte hain in dinon
yaa jinhein khaamosh rahne ki sazaa maalum hai

hazaar rang mein mumkin hai dard kaa izhaar
tire firaaq mein marnaa hi kyaa zaruri hai

do chaar nahin sainkaDon sher us pe kahe hain
is par bhi vo samjhe na to qadmon pe jhukein kyaa

jab ki pahlu se yaar uThtaa hai
dard be-ikhtiyaar uThtaa hai

main ab har shakhs se uktaa chukaa huun
faqat kuchh dost hain aur dost bhi kyaa

ai dost is zamaan-o-makaan ke azaab mein
dushman hai jo kisi ko duaa-e-hayaat de

tikhe to ho pa sach kaho us vaqt kyaa karo
tum ko gale lagaa le agar pyaar se koi

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

itnaa batlaa mujhe harjaai huun main yaar ki tu
main har ik shakhs se rakhtaa huun sarokaar ki tu