khud pe kyaa biit gai itne dinon mein tujh bin — Siddique Mujibi

uThe hain haath to apne karam ki laaj bachaa
vagarna meri duaa kyaa miri talab kyaa hai

main vo TuuTaa huaa taaraa jise mahfil na raas aai
main vo shola jo shab bhar aankh ke paani mein rahtaa hai

main ne hansne ki aziyyat jhel li royaa nahin
ye saliqa bhi koi aasaan jiine kaa na thaa

ek bechain samundar hai mire jism mein qaid
TuuT jaae jo ye divaar to manzar dekhun

hamaare naam likhi jaa chuki thi rusvaai
hamein to honaa thaa yuun bhi kharaab chaaron taraf

naakhudaa ho ki khudaa dekhte rah jaate hain
kashtiyaan Dubti hain us ke makin Dubte hain

tumhaare baa'd khudaa jaane kyaa huaa dil ko
kisi se rabt baDhaane kaa hausla na huaa

zinda rahne kaa haq milegaa use
jis mein marne kaa hausla hogaa

main ne har takhrib mein dekhi hai ik taamir bhi
meraa miT jaanaa bhi hai himmat-fazaa mere liye

ye aur baat ki kam-hausla to main bhi thi
magar ye sach hai use pahle main ne chaahaa thaa

dasht-e-junun ki khaak uDaane vaalon ki himmat dekho
TuuT chuke hain andar se lekin man-maani baaqi hai

bhaarat ke ai saputo himmat dikhaae jaao
duniyaa ke dil pe apnaa sikka biThaae jaao