uThe hain haath to apne karam ki laaj bachaa — Siddique Mujibi

khud pe kyaa biit gai itne dinon mein tujh bin
ye bhi himmat nahin ab jhaank ke andar dekhun

main vo TuuTaa huaa taaraa jise mahfil na raas aai
main vo shola jo shab bhar aankh ke paani mein rahtaa hai

main ne hansne ki aziyyat jhel li royaa nahin
ye saliqa bhi koi aasaan jiine kaa na thaa

ek bechain samundar hai mire jism mein qaid
TuuT jaae jo ye divaar to manzar dekhun

hamaare naam likhi jaa chuki thi rusvaai
hamein to honaa thaa yuun bhi kharaab chaaron taraf

naakhudaa ho ki khudaa dekhte rah jaate hain
kashtiyaan Dubti hain us ke makin Dubte hain

ik lafz bhi na lab se kahaa aur ro diye
'arshi' uThaae dast-e-du'aa aur ro diye

mujh ko rote dekh kar paas aae vo tafhim ko
kyuun na dil se duun duaaein apne ghain o miim ko

dekho nigaah-e-shauq se meri taraf mujhe
ye muddaaa hai aur koi muddaaa nahin

miri jaanib ko karvaT le ke gar mujh se lipaT jaao
abhi dene lage miri tarah tum ko duaa karvaT

kartaa rahaa main minnatein kam ki na kuchh duaa
haasil huaa na kuchh to khudaa be-asar lagaa

laae us but ko iltijaa kar ke
kufr TuuTaa khudaa khudaa kar ke