ye aur baat ki kam-hausla to main bhi thi — Ishrat Afreen

vo zakhm chun ke mire khaar mujh mein chhoD gayaa
ki us ko shauq thaa be-intihaa gulaabon kaa

kachchi umron mein bhi akeli rahi
main sadaa apni hi saheli rahi

yaa mujhe teri hatheli bujhe
yaa koi shokh saheli bujhe

bhuuk se yaa vabaa se marnaa hai
faisla aadmi ko karnaa hai

laDkiyaan maaon jaise muqaddar kyuun rakhti hain
tan sahraa aur aankh samundar kyuun rakhti hain

avval ahl-e-qabila ne parcham banaayaa use aur phir
pesh-e-dushman bhi taavaan mein sirf meri ridaa le gae

kyaa karishma hai mire jazba-e-aazaadi kaa
thi jo divaar kabhi ab hai vo dar ki surat

koi tohmat ho mire naam chali aati hai
jaise baazaar mein har ghar se gali aati hai

savaal karne ke hausle se javaab dene ke faisle tak
jo vaqfa-e-sabr aa gayaa thaa usi ki lazzat mein aa basaa huun

mar gae ham par na aae tum khabar ko ai sanam
hausla ab dil kaa dil hi mein miri jaan rah gayaa

sarfaroshi ki tamannaa ab hamaare dil mein hai
dekhnaa hai zor kitnaa baazu-e-qaatil mein hai

dard-e-dil paas-e-vafaa jazba-e-imaan honaa
aadmiyat hai yahi aur yahi insaan honaa