laae us but ko iltijaa kar ke — Pandit Daya Shankar Naseem Lakhnawi

maani-e-raushan jo hon to sau se behtar ek sher
matla-e-khurshid kaafi hai pae-divaan-e-subh

pahunchi na raahat ham se kisi ko balki aziyyat kosh hue
zinda the to baar-e-shikam the mar ke vabaal-e-dosh hue

jab na jite-ji mire kaam aaegi
kyaa ye duniyaa aaqibat bakhshvaaegi

samjhaa hai haq ko apne hi jaanib har ek shakhs
ye chaand us ke saath chalaa jo jidhar gayaa

junun ki chaak-zani ne asar kiyaa vaan bhi
jo khat mein haal likhaa thaa vo khat kaa haal huaa

jab mile do dil mukhil phir kaun hai
baiTh jaao khud hayaa uTh jaaegi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

abr barse to inaayat us ki
shaakh to sirf duaa karti hai

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

main ne din raat khudaa se ye duaa maangi thi
koi aahaT na ho dar par mire jab tu aae

vasl ki raat jo mahbub kahe good night
qaaeda ye hai ki english mein duaa di jaae