vo itni shiddaton se sochtaa hai — Siraj Alam Zakhmi

toDe baghair sang taraashe na jaaeinge
vo dil hi kyaa jo TuuT ke patthar na ho sake

dil mein tufaan nahin aankh mein sailaab nahin
aise jiine se to behtar thaa ki mar hi jaate

koi shikva koi gila de de
mujh ko jiine kaa hausla de de

bevafaai kaa mujhe ilzaam detaa thaa vo shakhs
main ne bhi itnaa kiyaa bas us ko sachchaa kar diyaa

itnaa na duur jaao ki jiinaa muhaal ho
yuun bhi na paas aao ki dam hi nikal paDe

khud ko bachaaun jism sambhaalun ki ruuh ko
bikhraa huaa hai dard yahaan se vahaan talak

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

maango samundaron se na saahil ki bhiik tum
haan fikr o fan ke vaaste gahraai maang lo

gulaabon ke honTon pe lab rakh rahaa huun
use der tak sochnaa chaahtaa huun

be-ginti bose leinge rukh-e-dil-pasand ke
aashiq tire paDhe nahin ilm-e-hisaab ko

tabl-o-alam hi paas hain apne na mulk-o-maal
ham se khilaaf ho ke karegaa zamaana kyaa