itnaa na duur jaao ki jiinaa muhaal ho — Siraj Alam Zakhmi

toDe baghair sang taraashe na jaaeinge
vo dil hi kyaa jo TuuT ke patthar na ho sake

dil mein tufaan nahin aankh mein sailaab nahin
aise jiine se to behtar thaa ki mar hi jaate

koi shikva koi gila de de
mujh ko jiine kaa hausla de de

bevafaai kaa mujhe ilzaam detaa thaa vo shakhs
main ne bhi itnaa kiyaa bas us ko sachchaa kar diyaa

khud ko bachaaun jism sambhaalun ki ruuh ko
bikhraa huaa hai dard yahaan se vahaan talak

vo itni shiddaton se sochtaa hai
ki jaise main bhi koi masala huun

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ai dost is zamaan-o-makaan ke azaab mein
dushman hai jo kisi ko duaa-e-hayaat de

kitnaa sochaa thaa dil lagaaeinge
sochte sochte hayaat hui

hangaama-e-hayaat se lenaa to kuchh nahin
haan dekhte chalo ki tamaashaa hai raah kaa