ab teri daad na fariyaad kiyaa kartaa huun — Syed Mohammad Meer Asar

kin ne kahaa aur se na mil tu
par ham se bhi kabhu milaa kar

kyaa kahun kis tarah se jiitaa huun
gham ko khaataa huun aansu piitaa huun

bevafaa kuchh nahin teri taqsir
mujh ko meri vafaa hi raas nahin

apne nazdik dard-e-dil main kahaa
tere nazdik qissa-khvaani ki

tu hi behtar hai aaina ham se
ham to itne bhi ru-shanaas nahin

jis ghaDi ghurte ho ghussa se
nikle paDtaa hai pyaar aankhon mein

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

phir vahi kunj-e-qafas hai vahi sayyaad kaa ghar
chaar din aur havaa baagh ki khaa le bulbul

paron ko khol de zaalim jo band kartaa hai
qafas ko le ke main uD jaaungaa kahaan sayyaad

duur rah kar na karo baat qarib aa jaao
yaad rah jaaegi ye raat qarib aa jaao

inqilaabaat-e-dahr ki buniyaad
haq jo haqdaar tak nahin pahunchaa