ye shahr apni isi haav-hu se zinda hai — Taleef Haidar

ye teraa divaana raat gae maalum nahin kyuun pahron tak
aansu ki lakiron se kitne naqsh-e-jazbaat banaae hai

use kahaan hamein qaidi banaa ke rakhnaa thaa
hamin ko shauq nahin thaa kabhi rihaai kaa

bahut mushkil thaa mujh ko raah kaa hamvaar kar denaa
to main ne tai kiyaa is dasht ko divaar kar denaa

aksar mire sheron ki sanaa karte rahe hain
vo log jo ghaalib ke taraf-daar nahin hain

vo ek lamha jise tum ne mukhtasar jaanaa
ham aaise lamhe mein ik daastaan banaate hain

safar hi bas kaar-e-zindagi hai
azaab kyaa hai savaab kyaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

meri saari zindagi ko be-samar us ne kiyaa
umr meri thi magar us ko basar us ne kiyaa

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

kuchh chhoTe chhoTe dukh apne kuchh dukh apne azizon ke
in se hi jivan bantaa hai so jivan ban jaaegaa

idhar to tuul diyaa hai umiid ko us ne
udhar hayaat ataa ki hai mukhtasar mujh ko

tujh se ai zindagi ghabraa hi chale the ham to
par tashaffi hai ki ik dushman-e-jaan rakhte hain