dil TuTne se thoDi si taklif to hui — Unknown

log kaanTon se bach ke chalte hain
main ne phulon se zakhm khaae hain

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

ye duniyaa gham to deti hai sharik-e-gham nahin hoti
kisi ke duur jaane se mohabbat kam nahin hoti

jin ke kirdaar se aati ho sadaaqat ki mahak
un ki tadris se patthar bhi pighal sakte hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi sundar ghazal hai dosto
zindagi ko gungunaanaa chaahiye

phir usi bevafaa pe marte hain
phir vahi zindagi hamaari hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe