neze ki nok teraa tah-e-dil se shukriya — Usman Minai

ghamon par us ke kabhi e'tibaar mat karnaa
vo pyaaz kaaT ke aansu nikaal letaa hai

tumhaare chehre ki saari nasein tani hui hain
tumhaare haath mein kyaa aaina diyaa gayaa hai

koi bashar kabhi paani banaa nahin saktaa
khudaa ke hone kaa pahlaa subut paani hai

didaar ke sikke jo zaraa bhikh mein maange
to us ne kahaa jaao jumeraat ko aanaa

ghazlon ke she'r likhne se pahle hazaar baar
ham dekhte hain aap ki tasvir ki taraf

nishaan kyon DhunDhte ho ungliyon ke
qazaa aai thi dastaane pahan kar

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil mein hai mulaaqaat ki khvaahish ki dabi aag
mehndi lage haathon ko chhupaa kar kahaan rakkhun

is qadar thaa khaTmalon kaa chaarpaai mein hujum
vasl kaa dil se mire armaan rukhsat ho gayaa

aa gae dil mein vasvase kitne
vaqt jab e'tibaar kaa aayaa

dard-e-dil kitnaa pasand aayaa use
main ne jab ki aah us ne vaah ki