dard-e-dil kitnaa pasand aayaa use — Aasi Ghazipuri

vo khat vo chehra vo zulf-e-siyaah to dekho
ki shaam subh ke baad aae subh shaam ke baad

tabiat ki mushkil-pasandi to dekho
hasinon se tark-e-vafaa chaahtaa huun

meri aankhein aur didaar aap kaa
yaa qayaamat aa gai yaa khvaab hai

vo kahte hain main zindagaani huun teri
ye sach hai to un kaa bharosaa nahin hai

khudaa se tiraa chaahnaa chaahtaa huun
meraa chaahnaa dekh kyaa chaahtaa huun

vo phir vaada milne kaa karte hain yaani
abhi kuchh dinon ham ko jiinaa paDegaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

kiyaa dard-o-gham ne mujhe naa-umid
ki majnun ko ye hi thiin bimaariyaan