iid ke baa'd vo milne ke liye aae hain — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

vo chaand hai to aks bhi paani mein aaegaa
kirdaar khud ubhar ke kahaani mein aaegaa

haan haan tumhaare husn ki koi khataa nahin
main husn-e-ittifaaq se divaana ho gayaa

ab us pe chaand sitaare bhi rashk karte hain
vo ik diyaa jo kabhi dasht mein bujhaayaa gayaa

dil ke aangan mein andheraa hai bahut
chaand ban kar utar aao to sahi

chaand kaa husn bhi zamin se hai
chaand par chaandni nahin hoti

chaand mein tu nazar aayaa thaa mujhe
main ne mahtaab nahin dekhaa thaa