iid mein iid hui aish kaa saamaan dekhaa — Shad Azimabadi

jab kisi ne haal puchaa ro diyaa
chashm-e-tar tu ne to mujh ko kho diyaa

naazuk thaa bahut kuchh dil meraa ai 'shaad' tahammul ho na sakaa
ik Thes lagi thi yuun hi si kiyaa jald ye shisha TuuT gayaa

talab karein bhi to kyaa shai talab karein ai 'shaad'
hamein to aap nahin apnaa muddaaa maalum

dekhaa kiye vo mast nigaahon se baar baar
jab tak sharaab aai kai daur ho gae

dil-e-muztar se puchh ai raunaq-e-bazm
main khud aayaa nahin laayaa gayaa huun

izhaar-e-muddaaa kaa iraada thaa aaj kuchh
tevar tumhaare dekh ke khaamosh ho gayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa