main insaan thaa khudaa hone se pahle — Vishal Khullar

vo jism ruuh khalaa aasmaan hai kyaa hai
ki rang koi ho us se judaa nahin miltaa

mere dukh ki davaa bhi rakhtaa hai
khud ko mujh se judaa bhi rakhtaa hai

dil jo ab shor kartaa rahtaa hai
kis qadar be-zabaan thaa pahle

divaar-o-dar saa chaahiye divaar-o-dar mujhe
divaangi mein yaad nahin apnaa ghar mujhe

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai

asir-e-zulf ko shaayad yahin rihaai hai
pukaartaa huun jise vo sadaa mein aayaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

zamaana aur abhi Thokarein lagaae hamein
abhi kuchh aur sanvar jaanaa chaahte hain ham

hamaare marg pe shaadi abas aghyaar karte hain
jahaan se rafta-rafta ek din un ko bhi jaanaa hai

un ki ammi ho chalin thiin rafta rafta ham-khayaal
haan magar abbaa kaa un ke varghalaanaa yaad hai

jo aashiq ho use sahraa mein chal jaane se kyaa nisbat
juz apni dhuul uDaanaa aur viraane se kyaa nisbat