usi ke sher sabhi aur usi ke afsaane — Vishal Khullar

vo jism ruuh khalaa aasmaan hai kyaa hai
ki rang koi ho us se judaa nahin miltaa

mere dukh ki davaa bhi rakhtaa hai
khud ko mujh se judaa bhi rakhtaa hai

dil jo ab shor kartaa rahtaa hai
kis qadar be-zabaan thaa pahle

main insaan thaa khudaa hone se pahle
anal-haq ki anaa hone se pahle

divaar-o-dar saa chaahiye divaar-o-dar mujhe
divaangi mein yaad nahin apnaa ghar mujhe

asir-e-zulf ko shaayad yahin rihaai hai
pukaartaa huun jise vo sadaa mein aayaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

mausam-e-gul par khizaan kaa zor chal jaataa hai kyuun
har hasin manzar bahut jaldi badal jaataa hai kyuun

ayaan the jazba-e-dil aur bayaan the saare khayaal
koi bhi parda na thaa jab ke the hijaab mein ham

naved ai dil ki rafta rafta gayaa hai us kaa hijaab aadhaa
hazaar mushkil se baare rukh par se us ne ulTaa naqaab aadhaa

ham ne dekhaa hai zamaane kaa badalnaa lekin
un ke badle hue tevar nahin dekhe jaate