asir-e-zulf ko shaayad yahin rihaai hai — Vishal Khullar

vo jism ruuh khalaa aasmaan hai kyaa hai
ki rang koi ho us se judaa nahin miltaa

mere dukh ki davaa bhi rakhtaa hai
khud ko mujh se judaa bhi rakhtaa hai

dil jo ab shor kartaa rahtaa hai
kis qadar be-zabaan thaa pahle

main insaan thaa khudaa hone se pahle
anal-haq ki anaa hone se pahle

divaar-o-dar saa chaahiye divaar-o-dar mujhe
divaangi mein yaad nahin apnaa ghar mujhe

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

ab miraa dard miri jaan huaa jaataa hai
ai mire chaaragaro ab mujhe achchhaa na karo

udaas chhoD gae kashtiyon ko saahil par
gilaa karein bhi to kyaa paar utarne vaalon se