miraa ishq bhi khud-gharaz ho chalaa hai — Hasrat Mohani

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

raat din naama-o-paighaam kahaan tak doge
saaf kah dijiye milnaa hamein manzur nahin

'hasrat' bahut hai martaba-e-aashiqi buland
tujh ko to muft logon ne mashhur kar diyaa

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

ham kyaa karein agar na tiri aarzu karein
duniyaa mein aur bhi koi tere sivaa hai kyaa

chhup nahin sakti chhupaane se mohabbat ki nazar
paD hi jaati hai rukh-e-yaar pe hasrat ki nazar

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

teraa jalva hai yaar parde mein
mujh ko parde pe pyaar aataa hai

chhupaa na raaz mohabbat kaa bu-e-gul ki tarah
jo baat dil mein thi vo darmiyaan nikal aai

bas ab mohabbat se haath uThaao bhale ko kahte hain maan jaao
na aap ko is tarah miTaao 'jalil' dekho to haal kyaa hai

thi ishq-o-aashiqi ke liye shart zindagi
marne ke vaaste mujhe jiinaa zarur thaa