dariyaa-e-mohabbat se 'muhib' le hi ke chhoDi — Waliullah Muhib

in do ke sivaa koi falak se na huaa paar
yaa tiir miri aah kaa yaa us ki nazar kaa

tum gaao apne raag ko us paas vaaizo
mushtaaq jo gadhaa ho tumhaare alaap kaa

kaabe mein vahi khud hai vahi dair mein hai aap
hindu kaho yaa us ko musalmaan vahi hai

khat kaa ye javaab aayaa ki qaasid gayaa ji se
sar ek taraf loTe hai aur ek taraf dhaD

barahman dair ko raahi huaa aur shaikh kaabe ko
nikal kar us doraahe se main ku-e-yaar mein aayaa

jab nashe mein ham ne kuchh miThe ki khvaahish us se ki
tursh ho bolaa ki kyuun be tu bhi is laaeq huaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

bhali kyuun lage ham ko khushiyon ki dastak
abhi ham mohabbat kaa gham kar rahe hain