tirgi be-aabru thi aur tajalli be-vaqaar — Wazir Agha

aise baDhe ki manzilein raste mein bichh gaiin
aise gae ki phir na kabhi lauTnaa huaa

vo khush-kalaam hai aisaa ki us ke paas hamein
tavil rahnaa bhi lagtaa hai mukhtasar rahnaa

khuli kitaab thi phulon-bhari zamin meri
kitaab meri thi rang-e-kitaab us kaa thaa

itnaa na paas aa ki tujhe DhunDte phirein
itnaa na duur jaa ke hama-vaqt paas ho

yaa abr-e-karam ban ke baras khushk zamin par
yaa pyaas ke sahraa mein mujhe jiinaa sikhaa de

dhuup ke saath gayaa saath nibhaane vaalaa
ab kahaan aaegaa vo lauT ke aane vaalaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil par bhi aao ek nazar Daalte chalein
shaayad chhupe hue hon yahin din bahaar ke

dil pe ai dost qayaamat si guzar jaati hai
tum nigaah-e-ghalat-andaaz se dekhaa na karo

koi aayaa thaa dil ki basti mein
dil miraa jhumtaa thaa masti mein

hichkiyaan aati hain kyuun ai dil-e-naashaad mujhe
shaayad us shokh ne bhule se kiyaa yaad mujhe