DhunDte ho kyuun jali tahrir ke asbaaq mein — Yusuf Jamal

qaatil to siina taan ke chalte rahe yahaan
jo be-gunah the un se havaalaat bhar gae

vaqt ki mahrumiyon ne chhin li meri zabaan
varna ik muddat talak main laa-javaabon mein rahaa

puchhe jo zindagi ki haqiqat koi 'jamaal'
to chuTkiyon mein ret uDaa kar use dikhaa

jab main kachchaa phal thaa to mahfuz thaa main
ab jo pakaa to mujh pe nishaana lagtaa hai

baunaa thaa vo zarur magar is ke baavajud
kirdaar ke lihaaz se qad kaa buland thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil thaamtaa ki chashm pe kartaa tiri nigaah
saaghar ko dekhtaa ki main shisha sambhaaltaa

jab ye maanaa ki dil mein Dar hai bahut
tab kahin jaa ke dil se Dar niklaa

apne dil-e-betaab se main khud huun pareshaan
kyaa duun tumhein ilzaam main kuchh soch rahaa huun

teri aashufta-mizaaji ai dil
kyaa khabar kaun nagar le jaae