jab ye maanaa ki dil mein Dar hai bahut — Salman Akhtar

kaise ho kyaa hai haal mat puchho
mujh se mushkil savaal mat puchho

kuchh to apne liye bhi rakhnaa hai
zakhm auron ko kyuun dikhaaein sab

ham jo pahle kahin mile hote
aur hi apne silsile hote

zindagi is qadar kaThin kyuun hai
aadmi ki bhalaa khataa kyaa hai

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

jhaankte raat ke garebaan se
ham ne sau aaftaab dekhe hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

pahli nazar bhi aap ki uff kis balaa ki thi
ham aaj tak vo choT hain dil par liye hue

charchaa hamaaraa ishq ne kyuun jaa-ba-jaa kiyaa
dil us ko de diyaa to bhalaa kyaa buraa kiyaa

surat chhupaaiye kisi surat-parast se
ham dil mein naqsh aap ki tasvir kar chuke

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo