shab palang par haanpte saae rahe — Yusuf Taqi

be-sadaa kyuun guzarte ho aavaaz do
ab bhi kuchh log andar makaanon mein hain

aao puraani yaad ke shoalon mein taap lein
kitne hain haath sard mulaaqaat ki tarah

ai paDosi tu bataa ham ko to kuchh hosh nahin
thaa hamaaraa bhi koi ghar tire ghar se pahle

dekhaa to zindagi mein bahut kaamyaab the
sochaa to jiit aai nazar maat ki tarah

khaansti maddham si ik aavaaz jab se kho gai
ghairiyat ki bu se mahkaa mujh ko apnaa ghar milaa

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shab-haae-aish kaa vo zamaana kidhar gayaa
vo khvaab kyaa huaa vo fasaana kidhar gayaa

vo to khushbu hai har ik samt bikharnaa hai use
dil ko kyuun zid hai ki aaghosh mein bharnaa hai use

ek raat aap ne ummid pe kyaa rakkhaa hai
aaj tak ham ne charaaghon ko jalaa rakkhaa hai