sunte hain chamaktaa hai vo chaand ab bhi sar-e-baam — Zuhoor Nazar

baad-e-tark-e-ulfat bhi yuun to ham jiye lekin
vaqt be-tarah biitaa umr be-sabab guzri

barson se khaDaa huun haath uThaae
taasir-e-duaa kaa muntazir huun

ghar se us kaa bhi nikalnaa ho gayaa aakhir muhaal
meri rusvaai se shohrat ku-ba-ku us ki bhi thi

vo jise saare zamaane ne kahaa meraa raqib
main ne us ko ham-safar jaanaa ki tu us ki bhi thi

na so sakaa huun na shab jaag kar gizaari hai
ajiib din hain sukun hai na be-qaraari hai

vo bhi shaayad ro paDe viraan kaaghaz dekh kar
main ne us ko aakhiri khat mein likhaa kuchh bhi nahin

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

main nigaah-e-paak se dekhe thaa tire husn-e-paak ko is pe bhi
mire ji mein khvaahish-e-vasl thi tire dil mein bos-o-kanaar thaa

khvaahish-e-vasl kaa mazmun jo kisi satr mein thaa
kyaa kahun khat ko mire paDh ke vo kyaa kyaa uchhlaa

kyaa vo khvaahish ki jise dil bhi samajhtaa ho haqir
aarzu vo hai jo siine mein rahe naaz ke saath