Shayari Of Dil Ayubi

ye rāh-e-ishq hai āḳhir koī mazāq nahīñ
sa.ūbatoñ se jo ghabrā ga.e hoñ ghar jaa.eñ

farishta hai to taqaddus tujhe mubārak ho
ham aadmī haiñ to aib-o-hunar bhī rakhte haiñ

lamha lamha mujhe vīrān kiye detā hai
bas gayā mere tasavvur meñ ye chehra kis kā

is shahr meñ to kuchh nahīñ rusvā.ī ke sivā
ai 'dil' ye ishq le ke kidhar aa gayā tujhe

ye dilchasp vaade ye rañgīñ dilāse
ajab sāzisheñ haiñ kahāñ aa gayā huuñ

na gird-o-pesh se is darja be-niyāz guzar
jo be-ḳhabar se haiñ sab kī ḳhabar bhī rakhte haiñ

hasīñ hai shahr to ujlat meñ kyuuñ guzar jaa.eñ
junūn-e-shauq use bhī nihāl kar jaa.eñ

"saare chaman ko dasht meñ tabdīl kar ga.e be-dard the jo ain javānī meñ mar ga.e malbūs-e-ahl-e-hosh kā me.aar dekh kar dīvāne be-libās daraḳhtoñ se Dar ga.e shāyad udāsiyoñ pe taras aa gayā mirī kal raat shahr-e-jāñ meñ farishte utar ga.e sunte haiñ un pe nuur barastā hai aaj tak jin vādiyoñ se ho ke tire ḳhush-nazar ga.e ham sar-phire bhī ḳhuub the ai 'dil' ki ishq meñ nāmūs-o-nañg-o-nām bhī qurbān kar ga.e"

"yuuñ tirī bazm meñ kyā nahīñ shukr-sad-shukr duniyā nahīñ tū nahīñ to tirī yaad hai ham akele haiñ tanhā nahīñ dard-e-dil kā mudāvā na DhūñD dard apnī jagah kyā nahīñ aaj sahrā ko kyā ho gayā koī pattā bhī khaḌkā nahīñ sub.h to ho ga.ī hai magar nuur qaa.em hai phailā nahīñ tum na aa.e to kal raat ko chāñd dhartī pe utrā nahīñ chashm-e-bīnā agar ho nasīb qatra kyā hai jo dariyā nahīñ aadmī 'aql ke zo'm meñ aur uljhā hai suljhā nahīñ khel samjhe ho ai dil jise zindagī hai tamāshā nahīñ"

"yādash-ba-ḳhair hai vahī chehra ḳhayāl meñ sau jannateñ javān haiñ goyā ḳhayāl meñ kis shaan se sharīk tirī anjuman meñ haiñ baiThe hoñ jaise ham kahīñ tanhā ḳhayāl meñ guzrā hai ishq hī meñ ye aalam bhī muddatoñ thī shaam zehn meñ na saverā ḳhayāl meñ dekhā thā ḳhvāb meñ unheñ nādim to kyā kaheñ kyuuñ ab tak aa rahā hai pasīna ḳhayāl meñ allāh re ye maqām tire tishna-kām kā sūkhe paḌe haiñ saare hī dariyā ḳhayāl meñ jugnū se yak-ba-yak jo fazā meñ chamak uThe ye kaun thā abhī abhī kyā thā ḳhayāl meñ ai 'dil' ajab vo shahr-e-sitam thā ki aaj tak hai koī adh-khulā sā darīcha ḳhayāl meñ"

"phir marhala-e-ḳhvāb-e-bahārāñ se guzar jā mausam hai suhānā to garebāñ se guzar jā shīshe ke makāñ aur nazar ke mutahammil dīvāna na ban shahr-e-nigārāñ se guzar jā sab qatl ke asbāb baham haiñ sar-e-maqtal aise meñ pas-o-pesh na kar jaañ se guzar jā phir deñge vahī mashvara-e-tark-e-mohabbat ahbāb-numā halqa-e-yārāñ se guzar jā kuchh duur nahīñ manzil-e-maqsūd-e-tamannā ik fāsla-e-qurb-e-rag-e-jāñ se guzar jā ai 'dil' inheñ idrāk kahāñ namratiyoñ kā jo kahte haiñ pal bhar meñ bayābāñ se guzar jā"

kahāñ maiñ abhī tak nazar aa sakā huuñ
ḳhudā jaane kitnī tahoñ meñ chhupā huuñ