farishta hai to taqaddus tujhe mubaarak ho — Dil Ayubi

ye dilchasp vaade ye rangin dilaase
ajab saazishein hain kahaan aa gayaa huun

ye raah-e-ishq hai aakhir koi mazaaq nahin
saubaton se jo ghabraa gae hon ghar jaaein

is shahr mein to kuchh nahin rusvaai ke sivaa
ai 'dil' ye ishq le ke kidhar aa gayaa tujhe

lamha lamha mujhe viraan kiye detaa hai
bas gayaa mere tasavvur mein ye chehra kis kaa

phir marhala-e-khvaab-e-bahaaraan se guzar jaa
mausam hai suhaanaa to garebaan se guzar jaa

hasin hai shahr to ujlat mein kyuun guzar jaaein
junun-e-shauq use bhi nihaal kar jaaein

'shuur' aap kaa pyaar aap ko mubaarak ho
ye pyaar kaa nahin PR kaa zamaana hai

maan ki duaa na baap ki shafqat kaa saayaa hai
aaj apne saath apnaa janam din manaayaa hai

saalgirah par kitni nek tamannaaein mausul huiin
lekin in mein ek mubaarakbaad abhi tak baaqi hai

main takiye par sitaare bo rahaa huun
janam-din hai akelaa ro rahaa huun

baar-e-khaatir hi agar hai to inaayat kiije
aap ko husn mubaarak ho miraa dil mujh ko

sair-e-gulzaar mubaarak ho sabaa ko ham to
ek parvaaz na ki thi ki giraftaar hue