Ghulam Rabbani Taban

"main ne kab da.ava-e-ilham kiya hai 'taban' likh diya karta huun jo dil pe guzarti jaa.e"

"rah-e-talab men kise arzu-e-manzil hai shu.ur ho to safar khud safar ka hasil hai"

"ye chaar din ki rifaqat bhi kam nahin ai dost tamam umr bhala kaun saath deta hai"

"aaj kisi ne baton baton men jab un ka naam liya dil ne jaise Thokar khaa.i dard ne baDh kar thaam liya"

"lab-e-nigar ko zahmat na do khuda ke liye ham ahl-e-shauq zaban-e-nazar samajhte hain"

"chhaTe ghubar-e-nazar bam-e-tur aa jaa.e piyo sharab ki chehre pe nuur aa jaa.e"

ye mai-kada hai kalisaa o khaanqaah nahin
uruj-e-fikr o farogh-e-nazar ki manzil hai

rah-e-talab mein kise aarzu-e-manzil hai
shuur ho to safar khud safar kaa haasil hai

ye chaar din ki rifaaqat bhi kam nahin ai dost
tamaam umr bhalaa kaun saath detaa hai

shabaab-e-husn hai barq-o-sharar ki manzil hai
ye aazmaaish-e-qalb-o-nazar ki manzil hai

nikhar gae hain pasine mein bhiig kar aariz
gulon ne aur bhi shabnam se taazgi paai

manzilein raah mein thiin naqsh-e-qadam ki surat
ham ne muD kar bhi na dekhaa kisi manzil ki taraf