rah-e-talab mein kise aarzu-e-manzil hai — Ghulam Rabbani Taban

ye mai-kada hai kalisaa o khaanqaah nahin
uruj-e-fikr o farogh-e-nazar ki manzil hai

ye chaar din ki rifaaqat bhi kam nahin ai dost
tamaam umr bhalaa kaun saath detaa hai

shabaab-e-husn hai barq-o-sharar ki manzil hai
ye aazmaaish-e-qalb-o-nazar ki manzil hai

nikhar gae hain pasine mein bhiig kar aariz
gulon ne aur bhi shabnam se taazgi paai

bastiyon mein hone ko haadse bhi hote hain
pattharon ki zad par kuchh aaine bhi hote hain

manzilein raah mein thiin naqsh-e-qadam ki surat
ham ne muD kar bhi na dekhaa kisi manzil ki taraf

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

aarzu hasrat aur ummid shikaayat aansu
ik tiraa zikr thaa aur biich mein kyaa kyaa niklaa

umr-e-daraaz maang ke laai thi chaar din
do aarzu mein kaT gae do intizaar mein

hai husul-e-aarzu kaa raaz tark-e-aarzu
main ne duniyaa chhoD di to mil gai duniyaa mujhe

but karein aarzu khudaai ki
shaan teri hai kibriyaai ki