ye mai-kada hai kalisaa o khaanqaah nahin — Ghulam Rabbani Taban

rah-e-talab mein kise aarzu-e-manzil hai
shuur ho to safar khud safar kaa haasil hai

ye chaar din ki rifaaqat bhi kam nahin ai dost
tamaam umr bhalaa kaun saath detaa hai

shabaab-e-husn hai barq-o-sharar ki manzil hai
ye aazmaaish-e-qalb-o-nazar ki manzil hai

nikhar gae hain pasine mein bhiig kar aariz
gulon ne aur bhi shabnam se taazgi paai

bastiyon mein hone ko haadse bhi hote hain
pattharon ki zad par kuchh aaine bhi hote hain

manzilein raah mein thiin naqsh-e-qadam ki surat
ham ne muD kar bhi na dekhaa kisi manzil ki taraf

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

gulaabon ke honTon pe lab rakh rahaa huun
use der tak sochnaa chaahtaa huun

niind se jaagaa huun to baiThaa sochtaa huun
khvaab mein us ko paayaa thaa yaa saayaa thaa

zakhm gintaa huun shab-e-hijr mein aur sochtaa huun
main to apnaa bhi na thaa kaise tumhaaraa huaa huun