khuub mil kar gale se ro lenaa — Haqeer

jab se kuchh qaabu hai apnaa kaakul-e-khamdaar par
saanp har dam loTtaa hai sina-e-aghyaar par

kyaa jaanein un ki chaal mein eajaaz hai ki sehr
vo bhi unhin se mil gae jo the hamaare log

yak-ba-yak tark na karnaa thaa mohabbat mujh se
khair jis tarah se aataa thaa vo aataa jaataa

jaantaa us ko huun davaa ki tarah
chaahtaa us ko huun shifaa ki tarah

haqaarat ki nigaahon se na farsh-e-khaak ko dekho
amiron kaa faqiron kaa yahi aakhir ko bistar hai

band-e-qabaa pe haath hai sharmaae jaate hain
kamsin hain zikr-e-vasl se ghabraae jaate hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

tiri samajh mein na aa sakegi kisi ke ashkon ki qadr-o-qimat
abhi hai naa-aashnaa-e-gham tu abhi tiraa dil dukhaa nahin hai

ye dil kab ishq ke qaabil rahaa hai
kahaan is ko dimaagh o dil rahaa hai

tire honTon ki surkhi dekh kar to aisaa lagtaa hai
chabaayaa hai kisi 'aashiq kaa dil hinda-mizaaji se

hans hans ke javaan dil ke ham kyuun na chunein TukDe
har shakhs ki qismat mein inaam nahin hotaa