jaantaa us ko huun davaa ki tarah — Haqeer

jab se kuchh qaabu hai apnaa kaakul-e-khamdaar par
saanp har dam loTtaa hai sina-e-aghyaar par

kyaa jaanein un ki chaal mein eajaaz hai ki sehr
vo bhi unhin se mil gae jo the hamaare log

khuub mil kar gale se ro lenaa
is se dil ki safaai hoti hai

yak-ba-yak tark na karnaa thaa mohabbat mujh se
khair jis tarah se aataa thaa vo aataa jaataa

haqaarat ki nigaahon se na farsh-e-khaak ko dekho
amiron kaa faqiron kaa yahi aakhir ko bistar hai

band-e-qabaa pe haath hai sharmaae jaate hain
kamsin hain zikr-e-vasl se ghabraae jaate hain

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ham ahl-e-dil ne meayaar-e-mohabbat bhi badal Daale
jo gham har fard kaa gham hai usi ko gham samajhte hain

koi schōl ki ghanTi bajaa de
ye bachcha muskuraanaa chaahtaa hai

hamaari zindagi kyaa hai mohabbat hi mohabbat hai
tumhaaraa bhi yahi dastur ban jaae to achchhaa ho

Dare huon ne tumhein bhi Daraa diyaa varna
khudaa to pyaar sikhaataa hai kuchh nahin kahtaa