Mahmood Ayaz

vo nahin hai na sahi tark-e-tamanna na karo
dil akela hai ise aur akela na karo

chand khamosh ja raha tha kahin
ham ne bhi us se koi baat na ki

jiine valon se kaho koi tamanna DhunDen
ham to asuda-e-manzil hain hamara kya hai

vo mire saath hai saa.e ki tarah
dil ki zid hai ki nazar bhi aa.e

daulat-e-gham bhi khas-o-khak-e-zaman men ga.i
tum ga.e ho to mah o saal kahan Thahre hain

koi din aur gham-e-hijr men shadan ho len
abhi kuchh din men samajh ja.enge duniya kya hai

tu ru-ba-ru ho to ai ru-e-yaar tujh se kahein
vo harf-e-gham ki harif-e-gham-e-zamaanaa hai

vo nahin hai na sahi tark-e-tamannaa na karo
dil akelaa hai ise aur akelaa na karo

lafz o manzar mein maaani ko TaTolaa na karo
hosh vaale ho to har baat ko samjhaa na karo

chaand khaamosh jaa rahaa thaa kahin
ham ne bhi us se koi baat na ki

sham-e-shab-taab ek raat jali
jalne vaale tamaam umr jale

jiine vaalon se kaho koi tamannaa DhunDein
ham to aasuda-e-manzil hain hamaaraa kyaa hai