sham-e-shab-taab ek raat jali — Mahmood Ayaz

tu ru-ba-ru ho to ai ru-e-yaar tujh se kahein
vo harf-e-gham ki harif-e-gham-e-zamaanaa hai

vo nahin hai na sahi tark-e-tamannaa na karo
dil akelaa hai ise aur akelaa na karo

lafz o manzar mein maaani ko TaTolaa na karo
hosh vaale ho to har baat ko samjhaa na karo

chaand khaamosh jaa rahaa thaa kahin
ham ne bhi us se koi baat na ki

jiine vaalon se kaho koi tamannaa DhunDein
ham to aasuda-e-manzil hain hamaaraa kyaa hai

vo mire saath hai saae ki tarah
dil ki zid hai ki nazar bhi aae

kam-umri mein sunet hain
mar jaate hain achchhe log

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi ke bahut qarib na jaa
faasla kuchh to apne dhyaan mein rakh

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

baDe qalaq ki baat hai ki tum ise na paDh sake
hamaari zindagi to ik khuli hui kitaab thi