Shad Lakhnavi

paani paani ho khajalat se har ik chashm-e-habab
jo muqabil ho miri ashk bhari ankhon se

ham na bigDenge agar chasm-numa.i hogi
phir kahin aankh laDa.i to laDa.i hogi

sohbat-e-vasl hai masdud hain dar haa.e hijab
nahin malum ye kis aah se sharam aati hai

jab jite-ji na puchha puchhenge kya mare par
murde ki ruuh ko bhi ghar se nikalte hain

rone se ek pal nahin mohlat firaq men
ye aankh kya lagi mire pichhe bala lagi

javani se ziyada vaqt-e-piri josh hota hai
bhaDakta hai charagh-e-sub.h jab khamosh hota hai

lagaa ke ThaT hai har suunaa muraadi
tamannaa-e-dili nikle kidhar se

khudaa kaa Dar na hotaa gar bashar ko
khudaa jaane ye banda kyaa na kartaa

visaal-e-yaar se duunaa huaa ishq
maraz baDhtaa gayaa juun juun davaa ki

na taDapne ki ijaazat hai na fariyaad ki hai
ghuT ke mar jaaun ye marzi mire sayyaad ki hai

javaani se ziyaada vaqt-e-piri josh hotaa hai
bhaDaktaa hai charaagh-e-subh jab khaamosh hotaa hai

ham na bigDeinge agar chasm-numaai hogi
phir kahin aankh laDaai to laDaai hogi