khudaa kaa Dar na hotaa gar bashar ko — Shad Lakhnavi

lagaa ke ThaT hai har suunaa muraadi
tamannaa-e-dili nikle kidhar se

visaal-e-yaar se duunaa huaa ishq
maraz baDhtaa gayaa juun juun davaa ki

na taDapne ki ijaazat hai na fariyaad ki hai
ghuT ke mar jaaun ye marzi mire sayyaad ki hai

javaani se ziyaada vaqt-e-piri josh hotaa hai
bhaDaktaa hai charaagh-e-subh jab khaamosh hotaa hai

vo nahaa kar zulf-e-pechaan ko jo bikhraane lage
husn ke dariyaa mein pinhaan saanp lahraane lage

ham na bigDeinge agar chasm-numaai hogi
phir kahin aankh laDaai to laDaai hogi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

baDi mushkil se ye jaanaa ki hijr-e-yaar mein rahnaa
bahut mushkil hai par aakhir mein aasaani bahut hai

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai