Ghazal

"jabr aur ikhtiyaar se aage kab gae is dayaar se aage ek aaiin hai tulu-o-ghurub jaise patjhaD bahaar ke aage kaun si mamlikat ki sarhad hai jism-o-jaan ke dayaar se aage khaamushi kaa muhib sahraa hai sabza-zaar-e-pukaar se aage baarishon se khili hai hariyaali shahr-e-gard-o-ghubaar se aage"

"honTon pe tabassum kaa labaada to nahin thaa ai dil sam-e-andoh ziyaada to nahin thaa ik ranj-e-tamannaa se bahut surkh thiin aankhein sad shukr-e-khudaa nashsha-e-bada to nahin thaa aae the tire paas ghaDi bhar ke liye ham taa-umr Thaharne kaa iraada to nahin thaa aasaan to pahle bhi nahin thi ye rah-e-dil mushkil bhi magar itnaa ye jaada to nahin thaa tahrir the khvaab aur tamanna ke havaale itnaa varaq-e-dil koi saada to nahin thaa"

"khizaan kaa sog yaa jashn-e-bahaar karte hue kaTi hai umr tiraa intizaar karte hue sharaf ye sirf muqaddar thaa aaine ke liye ki dekhtaa rahaa tujh ko singhaar karte hue safar ki shaam kaa manzar lahu mein Duub gayaa sabhi malul the tujh ko savaar karte hue lahu bujhaa na sakaa qaatilon ki pyaas kabhi thaki na shama patange shikaar karte hue banaao aab pe ik yaadgaar un ki 'azim' jo gharq ho gae dariyaa ko paar karte hue"

"ugaa viraaniyon kaa ik shajar aahista aahista shikasta ho gae divaar-o-dar aahista aahista kahaan jaataa hai ye sail-e-ravaan-e-umr-e-gum-gashta bahe jaate hain roz-o-shab kidhar aahista aahista mire dil ke kharaabe ko kabhi aabaad kar aise miri jaan ke bayaabaan se guzar aahista aahista hue ham donon khaakistar dhuaan uTThaa na aanch aai hui kyunkar zamaane ko khabar aahista aahista"

"bhaTakte phirte hain shahr-e-vafaa se nikle hue bahut malul hain ku-e-vafaa se nikle hue tilism-e-aab sabaat-e-gulaab aks-e-charaagh tamaam rang hain teri qabaa se nikle hue balaaein phirti hain khaali makaan mein shaayad paDe hain duur dariche havaa se nikle hue navaa mein karb vahi dil ki vahshatein bhi vahi go ek umr hui hai balaa se nikle hue ab intizaar yahi hai ki raakh uD jaae jhulas jhulas gae shoale navaa se nikle hue"

"ab na sahraa hai na dariyaa baaqi rah gai chashm-e-tamaashaa baaqi in havaaon ne na chhoDaa ab ke shaakh par ek bhi pattaa baaqi chhin gayaa zoam-e-gul-afshaani-e-lab rah gayaa honT pe nauha baaqi lauT jaane ke liye dasht-e-umid ab rahaa koi na rasta baaqi"

"misaal-e-barg-e-shikasta havaa ki zad par hai koi charaagh akelaa havaa ki zad par hai amaan DhunD rahaa hai khulaa huaa paani mohabbaton kaa jazira havaa ki zad par hai karaahti hain kisi ke firaaq mein shaamein dil aisaa ek shagufa havaa ki zad par hai manaaein khair kaho saahilon se aaj ki raat subuk-khiraam saa dariyaa havaa ki zad par hai vafur-e-ranj-e-tamanna se bujhtaa jaataa hai ki aaj meraa hi chehra havaa ki zad par hai fazaa mein ghulne lagin ghanTiyon ki aavaazein kahin pe koi kalisaa havaa ki zad par hai labon pe Duub rahi hain darud ki chikhein du'aa kaa band daricha havaa ki zad par hai miTi miTi nazar aati hain aayatein yaarab aqidaton kaa sahifa havaa ki zad par hai"

"umr bhar saaebaan mein rahnaa tum jahaan ho amaan mein rahnaa yaad kaa ye bhi silsila hai bahut ik kiran kaa gumaan mein rahnaa jab koi aarzu na rah jaae dil ke khaali makaan mein rahnaa nafratein baarishon ki surat hain aag ke darmiyaan mein rahnaa surat-e-surkhi-e-fasaana-e-gul tum miri daastaan mein rahnaa"

"dil is hujum-e-shahr mein tanhaa kahein jise aisaa nahin koi ki shanaasaa kahein jise aankhon mein chubh rahi hai koi mauj mauj reg vahshat badan mein phailtaa sahraa kahein jise bheje hain us ne phuul bahut se gulaab ke tajdid-e-dosti kaa taqaazaa kahein jise pheinkaa hai us ne ek tabassum ba-tarz-e-gul saari sitamgari kaa izaala kahein jise dekhaa hai us ne aaj dam-e-vasl aaina aankhon mein mehr-taab jhalaktaa kahein jise puchhaa hai us ne aaj saf-e-kushtagaan kaa haal har harf harf-e-zist kaa muzhda kahein jise"

"ek harf-e-muddaaa thaa daastaan kaise huaa reg kaa ye silsila aab-e-ravaan kaise huaa vo abhi hamraah thaa is zindagi ke dasht mein umr bhar kaa saath pal mein raaegaan kaise huaa aashnaai mein vo chehra surat-e-khurshid thaa ajnabi ho kar vahi chehra dhuaan kaise huaa dil to pahle hi lahu thaa dashnae-e-ayyaam se tujh se ye vaar-e-sitam ai mehrbaan kaise huaa ho gai shaayad khabar us ko fazaa mein zahr ki taaza-dam taair vagarna nim-jaan kaise huaa"

"misaal-e-barg-e-shikasta havaa ki zad par hai koi charaagh akelaa havaa ki zad par hai amaan DhunD rahaa hai khulaa huaa paani mohabbaton kaa jazira havaa ki zad par hai karaahti hain kisi ke firaaq mein shaamein dil aisaa ek shagufa havaa ki zad par hai manaaein khair kaho saahilon se aaj ki raat subuk-khiraam saa dariyaa havaa ki zad par hai vafur-e-ranj-e-tamanna se bujhtaa jaataa hai ki aaj meraa hi chehra havaa ki zad par hai fazaa mein ghulne lagin ghanTiyon ki aavaazein kahin pe koi kalisaa havaa ki zad par hai labon pe Duub rahi hain darud ki chikhein duaa kaa band daricha havaa ki zad par hai miTi miTi nazar aati hain aayatein yaa rab aqidaton kaa sahifa havaa ki zad par hai"

"ik tabassum kaa thaa saudaa ham ko tu ne saste mein kharidaa ham ko mauj-dar-mauj hai gham-haa-e-firaaq paar karnaa hai ye dariyaa ham ko bhulte jaate hain tujh ko jaanaan zakhm de phir koi taaza ham ko baiTh jaate kisi divaar ke saath kab huaa ye bhi gavaara ham ko ai falak thoDi si rahmat ham par ai zamin thoDaa saa TukDaa ham ko"

"sabza havaa se avvalin barsaat mein khulaa vo shakhs mujh se pahli mulaaqaat mein khulaa ruh-o-dil-o-badan ke taqaaze saraab the ye bhi azaab kashmakash-e-zaat mein khulaa saare badan pe zakhm numaayaan the din chaDhe shab bhar rahaa thaa koi meri ghaat mein khulaa miTne the saare rang dhanak ke nigaah se tahrir ye bhi dukh thaa mire haat mein khulaa kaisaa vo dost thaa ki khuli dushmani bhi ki khanjar chhupaa ke rakh diyaa saughaat mein khulaa aae to naa-muraad na jaae havaa-e-gham darvaaza ham ne chhoD diyaa raat mein khulaa"

"kyaa shab thi ki dil khol ke ro bhi na sake ham jaage bhi nahin Thiik se so bhi na sake ham us khaak se kyaa ham ko gila dar-badari kaa jis khaak ke ji jaan se ho bhi na sake ham kyaa kisht-e-shab-e-hijr hari ho ki yahaan to ik buund lahu-rang ki bo bhi na sake ham gard-e-gham-e-ayyaam se aaluda thiin aankhein did-e-gul-e-rukhsaar se dho bhi na sake ham"

"khilaaf thaa na zamaana na vaqt aisaa thaa jo sochiye to yahi hai naa bakht aisaa thaa bahaar-rut mein bhi shaakhon ke haath khaali the khile na phuul ki mausam hi sakht aisaa thaa diye hain zakhm kuchh aise ki bhar sakein na kabhi ye aur baat ki vo gul-ba-dast aisaa thaa shuaa-e-mehr hi aai na chaandni utri main kyaa kahun ki mire dil kaa dasht aisaa thaa fazaa-e-shaam ki rangin kar gayaa hai qabaa ghurub-e-mehr gulaabon ke tasht aisaa thaa koi charaagh darichon pe rakh ke kyaa kartaa har ek samt havaaon kaa gasht aisaa thaa vo chaandni to na thi chaandni ke TukDe the ki maahtaab miraa lakht lakht aisaa thaa kisi safar mein bhi bojhal hue na mere qadam kahin bhi baiTh gayaa saaz-o-rakht aisaa thaa palaT ke aae na phir kaarvaan-e-ahl-e-vafaa mohabbaton ki masaafat kaa dasht aisaa thaa amaan baanT rahaa thaa musaafiron mein 'azim' ghaneri chhaanv luTaataa darakht aisaa thaa"

"bichhaD gayaa thaa to us kaa khayaal kyon aayaa yahi to dukh hai ki shishe mein baal kyon aayaa nai kiran se abhi aashnaa hui thi zamin javaan thaa mahr ye is par zavaal kyon aayaa jab ek barg na ashjaar-e-aarzu pe rahaa to mast mausam-e-baad-e-shumaal kyon aayaa har aarzu hui kyon us ki bazm mein ghaayal har ek khvaab vahaan se niDhaal kyon aayaa agar nahin hai tujhe ranj bevafaai kaa to tere lahje mein itnaa malaal kyon aayaa"