sab ne dekhaa aur sab khaamosh the — Khurshid Talab

havaa to hai hi mukhaalif mujhe Daraataa hai kyaa
havaa se puchh ke koi diye jalaataa hai kyaa

koi charaag jalaataa nahin saliqe se
magar sabhi ko shikaayat havaa se hoti hai

roz divaar mein chun detaa huun main apni anaa
roz vo toD ke divaar nikal aati hai

hamein har vaqt ye ehsaas daaman-gir rahtaa hai
paDe hain Dher saare kaam aur mohlat zaraa si hai

miri mushkil miri mushkil nahin hai
vasila teri aasaani kaa main huun

havaa se kah do ki kuchh der ko Thahar jaae
khajil hamaari ibaarat havaa se hoti hai

sajda huaa hamesha faqiron ke ilm par
ham aagahi pe marte hain poshaak par nahin

kise khabar ki safine Dubo chuki kitne
faqih o suufi o shaair ki naa-khush-andeshi

mard-e-darvesh huun takiya hai tavakkul meraa
kharch har roz hai yaan aamad-e-baalaai kaa

ham faqiron kaa pairahan hai dhuup
aur ye raat apni chaadar hai

vaada muaavze kaa na kartaa agar khudaa
khairaat bhi sakhi se na milti faqir ko

din-daar log rab ko manaane mein mast hain
darvesh apne naachne gaane mein mast hain