ai amiri agar hai tujh mein dam — Naeem Najmi

zehn jab fikr ke hisaar mein thaa
dil kahaan apne ikhtiyaar mein thaa

zindagi ko 'azaab hone do
husn ko be-naqaab hone do

raushni saare ghar mein hoti thi
ham ne dekhaa hai laalTain kaa daur

mujh se baatein karo mohabbat ki
taalib-e-'ilm huun main urdu kaa

ek jalte bujhte manzar ke havaale kar diyaa
zindagi tujh ko muqaddar ke havaale kar diyaa

dekhaa mujhe to kahne lage tu ye kis liye
dastak diye baghair mire ghar mein aa gayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa