thaa intizaar manaaeinge mil ke divaali — Aanis Moin

ye aur baat ki rang-e-bahaar kam hogaa
nai ruton mein darakhton kaa baar kam hogaa

aaj zaraa si der ko apne andar jhaank kar dekhaa thaa
aaj miraa aur ik vahshi kaa saath rahaa pal do pal kaa

utaaraa dil ke varaq par to kitnaa pachhtaayaa
vo intisaab jo pahle bas ik kitaab pe thaa

gahri sochein lambe din aur chhoTi raatein
vaqt se pahle dhuup saron pe aa pahunchi

hazaaron qumqumon se jagmagaataa hai ye ghar lekin
jo man mein jhaank ke dekhun to ab bhi raushni kam hai

tumhaare naam ke niche khinchi hui hai lakir
kitaab-e-zist hai saada is indiraaj ke baad

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

main bhuul jaaun tujhe yaa main intizaar karun
tu apne jaane se pahle mujhe bataa kar jaa

ye vaqt band darichon pe likh gayaa 'qaisar'
main jaa rahaa huun miraa intizaar mat karnaa