utaaraa dil ke varaq par to kitnaa pachhtaayaa — Aanis Moin

ye aur baat ki rang-e-bahaar kam hogaa
nai ruton mein darakhton kaa baar kam hogaa

aaj zaraa si der ko apne andar jhaank kar dekhaa thaa
aaj miraa aur ik vahshi kaa saath rahaa pal do pal kaa

gahri sochein lambe din aur chhoTi raatein
vaqt se pahle dhuup saron pe aa pahunchi

hazaaron qumqumon se jagmagaataa hai ye ghar lekin
jo man mein jhaank ke dekhun to ab bhi raushni kam hai

na thi zamin mein vusat miri nazar jaisi
badan thakaa bhi nahin aur safar tamaam huaa

tumhaare naam ke niche khinchi hui hai lakir
kitaab-e-zist hai saada is indiraaj ke baad

main baDaa ho gayaa huun magar bachpanaa
mere dil se kabhi bhi gayaa hi nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

dil-e-haris hi apnaa na ho sakaa qaane
vagarna tere karam mein to kuchh kami na rahi

main badalte hue haalaat mein Dhal jaataa huun
dekhne vaale adaakaar samajhte hain mujhe

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai