murattab kar gayaa ik ishq kaa qaanun duniyaa mein — Aasi Uldani

sabr par dil ko to aamaada kiyaa hai lekin
hosh uD jaate hain ab bhi tiri aavaaz ke saath

apni haalat kaa khud ehsaas nahin hai mujh ko
main ne auron se sunaa hai ki pareshaan huun main

kahte hain ki ummid pe jiitaa hai zamaana
vo kyaa kare jis ko koi ummid nahin ho

ishq paaband-e-vafaa hai na ki paaband-e-rusum
sar jhukaane ko nahin kahte hain sajda karnaa

betaab saa phirtaa hai kai roz se 'aasi'
bechaare ne phir tum ko kahin dekh liyaa hai

jahaan apnaa qissa sunaanaa paDaa
vahin ham ko ronaa rulaanaa paDaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

yaa khudaa dard-e-mohabbat mein asar hai ki nahin
jis pe martaa huun use meri khabar hai ki nahin

chhupaa na raaz mohabbat kaa bu-e-gul ki tarah
jo baat dil mein thi vo darmiyaan nikal aai

bas ab mohabbat se haath uThaao bhale ko kahte hain maan jaao
na aap ko is tarah miTaao 'jalil' dekho to haal kyaa hai