baraste the baadal dhuaan phailtaa thaa ajab chaar jaanib — Abdul Hamid

falak par uDte jaate baadalon ko dekhtaa huun main
havaa kahti hai mujh se ye tamaashaa kaisaa lagtaa hai

ye qaid hai to rihaai bhi ab zaruri hai
kisi bhi samt koi raasta mile to sahi

din guzarte hain guzarte hi chale jaate hain
ek lamha jo kisi tarah guzartaa hi nahin

lauT gae sab soch ke ghar mein koi nahin hai
aur ye ham ki andheraa kar ke baiTh gae hain

utre the maidaan mein sab kuchh Thiik kareinge
sab kuchh ulTaa sidhaa kar ke baiTh gae hain

logon ne bahut chaahaa apnaa saa banaa Daalein
par ham ne ki apne ko insaan bahut rakkhaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

kis tarah yaad kar rakhi hai ye baat
bhuul jaaeinge ek din 'asraar'