lauT gae sab soch ke ghar mein koi nahin hai — Abdul Hamid

falak par uDte jaate baadalon ko dekhtaa huun main
havaa kahti hai mujh se ye tamaashaa kaisaa lagtaa hai

ye qaid hai to rihaai bhi ab zaruri hai
kisi bhi samt koi raasta mile to sahi

din guzarte hain guzarte hi chale jaate hain
ek lamha jo kisi tarah guzartaa hi nahin

utre the maidaan mein sab kuchh Thiik kareinge
sab kuchh ulTaa sidhaa kar ke baiTh gae hain

logon ne bahut chaahaa apnaa saa banaa Daalein
par ham ne ki apne ko insaan bahut rakkhaa

duur basti pe hai dhuaan kab se
kyaa jalaa hai jise bujhaate nahin

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

jab bhi aql banaati hai pahlaa misraa
dil ko misra-e-saani honaa paDtaa hai

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

gaaDi mein bhi ghar ko soche jaataa huun
gaaDi aage aur main pichhe jaataa huun