bachche fareb khaa ke chataai pe so gae — Abdul Majid Nashtar Jabalpuri

zakhm lagaa kar us kaa bhi kuchh haath khulaa
main bhi dhokaa khaa kar kuchh chaalaak huaa

huun baa-vafaa to miraa sar nahin jhukegaa kabhi
jo bevafaa huun to phir sharm se gaDaa milungaa

ham ne be-intihaa vafaa kar ke
be-vafaaon se intiqaam liyaa

us bevafaa se kar ke vafaa mar-miTaa 'razaa'
ik qissa-e-tavil kaa ye ikhtisaar hai

mushaabahat ke ye dhoke mumaasalat ke fareb
miraa tazaad liye mujh saa hu-ba-hu kyaa hai

jise ek par ek dhokaa milaa ho
vo kaise kisi par bharosa karegaa