zakhm lagaa kar us kaa bhi kuchh haath khulaa — Zeb Ghauri

main payambar tiraa nahin lekin
mujh se bhi baat kar khudaa mere

jaag ke mere saath samundar raatein kartaa hai
jab sab log chale jaaein to baatein kartaa hai

talaash ek bahaana thaa khaak uDaane kaa
pata chalaa ki hamein justuju-e-yaar na thi

dil ko sambhaale hanstaa boltaa rahtaa huun lekin
sach puchho to 'zeb' tabiat Thiik nahin hoti

jagmagaataa huaa khanjar mire siine mein utaar
raushni le ke kabhi khaana-e-viraan mein aa

uDaa ke khaak bahut main ne dekh li ai 'zeb'
vahaan talak to koi raasta nahin jaataa

kuchh to majburiyaan rahi hongi
yuun koi bevafaa nahin hotaa

yaar main itnaa bhukaa huun
dhokaa bhi khaa letaa huun

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

is qadar musalsal thiin shiddatein judaai ki
aaj pahli baar us se main ne bevafaai ki

ek parda saa hai fareb-e-nazar
ye bhi uTThe to dekhnaa kyaa hai

ham se koi taalluq-e-khaatir to hai use
vo yaar baa-vafaa na sahi bevafaa to hai