jise ek par ek dhokaa milaa ho — Aharas Siddiqui

dekh lein aap bhi raunaqein khuld ki
shaikh ji aaj chaliye chalein mai-kade

dekhe hai un ki zulf ko har roz aaina
'ahras' siyaah-bakht ko ye bhi nahin nasib

zindagi Dhote hue log kahaan tak jaaein
koi is sang-e-garaan se nahin bach paayaa hai

ik musalsal dhaDak phir yakaayak sukun
un ke dekhe se dil kaa 'ajab haal hai

phir nahin mere sivaa koi bhi hotaa teraa
tu agar jaan ye jaataa ki mohabbat kyaa hai

TuTegaa aap kaa dil khadsha hai ye mujhe
zinhaar mujh se nisbat rakhiye na aap bhi

hasti ke mat fareb mein aa jaaiyo 'asad'
aalam tamaam halqa-e-daam-e-khayaal hai

us ne mujhe dar-asl kabhi chaahaa hi nahin thaa
khud ko de kar ye bhi dhokaa, dekh liyaa hai

fareb-e-jalva kahaan tak ba-ru-e-kaar rahe
naqaab uThaao ki kuchh din zaraa bahaar rahe

fariyaad ai tasavvur-e-abru-e-dil-fareb
qible ki samt bhuul gayaa huun namaaz mein

ab zamaana hai bevafaai kaa
siikh lein ham bhi ye hunar shaayad

sar jhukaaoge to patthar devtaa ho jaaegaa
itnaa mat chaaho use vo bevafaa ho jaaegaa