gale se lagte hi jitne gile the bhuul gae — Abdul Rahman Ehsan Dehlvi

namaaz apni agarche kabhi qazaa na hui
adaa kisi ki jo dekhi to phir adaa na hui

dil-rubaa tujh saa jo dil lene mein ayyaari kare
phir koi dilli mein kyaa dil ki khabardaari kare

aag is dil-lagi ko lag jaae
dil-lagi aag phir lagaane lagi

ba-vaqt-e-bosa-e-lab kaash ye dil kaamraan hotaa
zabaan us bad-zabaan ki munh mein aur main zabaan hotaa

tankhvaah ek bosa hai tis par ye hujjatein
hai naa-dahind aap ki sarkaar be-tarah

mai-kade mein ishq ke kuchh sarsari jaanaa nahin
kaasa-e-sar ko yahaan gardish hai paimaane ki tarah

mere khvaabon ke jharokon ko sajaate rahiye
na sahi vasl magar yaad to aate rahiye

tum parindon se ziyaada to nahin ho aazaad
shaam hone ko hai ab ghar ki taraf lauT chalo

paan khaa kar jo ugaal aap ne thukaa saahab
jauhari mahv hue laal-e-yaman yaad aayaa

is hi buniyaad par kyuun na mil jaaein ham
aap tanhaa bahut ham akele bahut

lipTaa ke shab-e-vasl vo us shokh kaa kahnaa
kuchh aur havas is se ziyaada to nahin hai

nau-javaanon ko dekh kar 'haatim'
yaad ahd-e-shabaab aave hai